Daag Dehlvi Shayari | Famous Shayari in Hindi

Daag Dehlvi Shayari ( 18 )

  • Dil Geya Tumne Liya Hum Kya Karen; Jaane Wali Che...

    Apr 01,2015 | Daag Dehlvi Shayari | Comment (0)

    Dil Geya Tumne Liya Hum Kya Karen; Jaane Wali Cheez Ka Gham Kya Karen; Hum Ne Mar Kar Hijr Mein Payi Shifa; Aise Achhon Ka Maatam Kya Karen; Apne Hi Gham Se Nahi Milti Najaat; Is Binaa Par Fikr-E-Aalam Kya Karen; Ek Saaghar Par Hai Apni Zindagi; Rafta Rafta Is Se Bhi Kam Kya Karen; Kar Chuke Sab Apni Apni Hikamtein; Dum Nikalta Ho To Humdum Kya Karen


  • Ajab Apna Haal Hota Ajab Apna Haal Hota Jo Visaal...

    Apr 01,2015 | Daag Dehlvi Shayari | Comment (0)

    Ajab Apna Haal Hota Ajab Apna Haal Hota Jo Visaal-e-Yaar Hota; Kabhi Jaan Sadqe Hoti Kabhi Dil Nisaar Hota; Na Mazaa Hai Dushmani Mein Na Hai Lutf Dosti Mein; Koi Gair Gair Hota Koi Yaar Yaar Hota; Yeh Mazaa Tha Dillagi Ka Ke Barabar Aag Lagti; Na Tumhein Qaraar Hota Na Hamein Qaraar Hota; Tere Vaade Par Sitamgar Abhi Aur Sabr Karte; Agar Apni Zindagi Ka Hamein Aitbaar Hota!


  • Baat Karte Hain Khushi Kee To Ek Ranj Ke Sath; Wo...

    Apr 01,2015 | Daag Dehlvi Shayari | Comment (0)

    Baat Karte Hain Khushi Kee To Ek Ranj Ke Sath; Woh Hansate Bhi Hain Ke Rula Dete Hain!


  • Lutf Wo Ishq Mein Paaye Lutf Wo Ishq Mein Paaye ...

    Apr 01,2015 | Daag Dehlvi Shayari | Comment (0)

    Lutf Wo Ishq Mein Paaye Lutf Wo Ishq Mein Paaye Hain Ki Jee Jaanta Hai; Ranj Bhi Aise Uthaaye Hain Ki Jee Jaanta Hai; Jo Zamaane Ke Sitam Hain Wo Zamaana Jaane; Tu Ne Dil Itne Sataaye Hain Ki Jee Jaanta Hai; Muskurate Hue Woh Mazmaa-e-Agyaar Ke Saath; Aaj Yun Bazm Mein Aaye Hain Ki Jee Jaanta Hai; Kaaba-o-Dair Mein Pathra Gayi Dono Aankhein; Aise Jalwe Nazar Aaye Hain Ki Jee Jaanta Hai; Dosti Mein Teri Dar-Pardah Hamaare Dushman; Is Qadar Apne Paraaye Hain Ki Jee Jaanta Hai; Daagh-e-Waarafta Ko Ham Aaj Tere Kooche Se; Is Tarah Kheench Ke Laaye Hain Ki Jee Jaanta Hai!


  • Gazab Kiya, Tere Vaade Pe Aitbaar Kiya; Tamaam Raa...

    Apr 01,2015 | Daag Dehlvi Shayari | Comment (0)

    Gazab Kiya, Tere Vaade Pe Aitbaar Kiya; Tamaam Raat Qayamat Ka Intezar Kiya; Hansa Hansa Ke Shab-e-Vasl Ashkbaar Kiya; Tasaliya Mujhe De De Ke Beqaraar Kiya; Hum Aise Mahv-e-Nazara Na The Jo Hosh Aata; Magar Tumhare Tagaful Ne Hoshiyar Kiya; Fasana-e-Shab-e-Gham Unko Ek Kahani Thi; Kuch Aitabaar Kiya Aur Kuch Na-Aitabaar Kiya; Ye Kisne Jalwa Hamare Sar-e-Mazaar Kiya; Ki Dil Se Shor Utha, Haaye! Beqaraar Kiya; Tadap Phir Ai Dil-e-Nadan, Ki Gair Kehte Hain; Aakhir Kuch Na Bani, Sabr Ikhtiyaar Kiya; Kuch Aage Daawar-e-Mahshar Se Hai Umeed Mujhe; Kuch Aap Ne Mere Kehne Ka Aitabaar Kiya!